Afkondigings 20 April 2025 – 27 April 2025

Sondag 20 April 2025 :

• Baie welkom by die erediens en ’n spesiale verwelkoming aan dr Frans Hancke wat vanoggend se erediens lei.
• Ons skriflesing kom vanoggend uit 1 Korintiërs 15:12-20.
• Die tema van die prediking is: Want Sondag het gekom!
• Paasfees.
• GEEN Kategese.
• Spesiale offer vir Gemeente Instandhoudingsfonds by die deure.
• Tee sal bedien word in die kerksaal na afloop van die erediens. Almal is welkom.
• Groenkloof preek om 10:00 – Dr Frans Hancke.

Maandag 21 April 2025 :

• Gesinsdag – Kerkkantoor gesluit.

Woensdag 23 April 2025 :

• GEEN Blokbyeenkoms.
• Kooroefening by die orrel om 16:45. Marida – 082 471 0751. Alle belangstellendes is welkom.

Sondag 27 April 2025 :

• Erediens om 09:00 – Ds Danie Goosen.
• Vryheidsdag.
• GEEN Kategese.
• Spesiale offer vir Christelike Afhanklikheids-Dienste (CAD) by die deure.
• Tee sal bedien word in die kerksaal na afloop van die erediens. Almal welkom.
• Groenkloof preek om 10:00 – Digitaal.

Sterftes 2025:

14 April – Johan Schreuder: Wyk 10B
Ons innige meegevoel aan sy familie & vriende.

NEEM KENNIS:

Die bestuurspanvergadering wat geskeduleer is vir 6 Mei word met een week vervroeg tot 29 April 2025.

NEEM KENNIS:

Blok 9A se blokbyeenkoms vervroeg met 1 week en daar sal dan geen blokbyeenkoms plaasvind op 7 Mei, soos aangedui op die almanak, nie.

Verjaarsdae

Bedieninge

Gholfdag 12 April 2025

Die NG Kerk Groot-Brakrivier het op 12 April 2025 hul jaarlikse gholfdag ter stuiwing van hul fondse gehou.

Wat ‘n voorreg om deel te wees van ‘n oophand en -hart gemeenskap!  Baie dankie aan al die borge, mense wat pryse geskenk het, deelnemers, werkers, ondersteuners en belangstellendes wat betrokke was by die gholfdag.

Die Gholfdagkomitee is oorlaai met bereidwilligheid van instansies en indiwidue om die fondsinsamelingspoging van die kerk te ondersteun.  Baie geluk aan die wenners van die dag en weereens dankie aan die borge wat deur donasies en pryse dit moontlik gemaak het dat elke speler ‘n prys huistoe kon neem.  ‘n Spesiale woord van geluk aan Fanie Engelbrecht wat die krat vol kruideniersware, gewen het.

Ons bid dat die fondse verkry, as saad in ‘n behoeftige wêreld gesaai sal word en kragtig sal groei om êrens tot eer van Sy Naam,‘n verskil te maak.

Soli Deo gloria.

Kombuis

Die kerk se kombuis het ‘n deurlopende behoefte vir leë roomysbakke wat  vir sop of oortollige kos gebruik word.

Indien u het om te skenk kan u dit asb gedurende kantoorure by die kerk kom afgee. Baie dankie vir u ondersteuning.

Omgeebediening :

• Indien u bewus is van iemand met nood, siekte of  wat eensaam is en hulp benodig kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
• Enige persoon wat graag by die Omgeebediening betrokke wil raak skakel asseblief vir Corrie Pieters –

Getuienisbediening :

Wolwedans boodskap, sop en brood

• Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die uitreikdatums vir die tweede kwartaal is 23 April, 7 & 21 Mei en 14 & 18 Junie.

Behoeftes vir Getuienisprojekte

• Daar is ‘n deurlopende behoefte aan wol, materiaal, gare, borduurgare, linne, gebreekte keramiek/porselein (vir mosaïek projekte) inkleurkryte en -potlode. Dankie by voorbaat vir u deelname.

Ondersteuningsgroep :

Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.

Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:

• Rygeleenthede vir dokterafsprake, hospitaal besoeke en dies meer.
• Hulp met inkopies.
• Ondersteuning deur dààr te wees in moeilike omstandighede.
• Uit te reik na die mense om die toenemende probleem van alleen wees en eensaamheid te verlig.

Vir meer inligting kontak: Riana Briers –  081 039 8853 / Riëtte Jansen van Rensburg – 082 928 9625.

Gemeentefees

INDIEN U GRAAG WIL BETROKKE RAAK OF ‘N SKENKING WIL MAAK KAN U ASB DIE VOLGENDE PERSONE KONTAK:

🧁 Roosterkoeke Tafel – “Kole & Konfyt”: Vars van die kole – vuurwarm stoomtrek-lekkerte soos net ‘n roosterkoek kan wees! Heel (Plein) R20 elk / Konfyt R25 elk / Kaas R25 / Konfyt & Kaas R30 elk / Hoender Mayo R30 elk / Kudu Kerrie Mince R35. Enige bydrae van tuisgemaakte konfyt sal waardeer word.📞 Amelia le Roux 📞 Kevin van Tonder

🐘 Wit Olifant Tafel – “Skatte & Snaaksighede”: Kommervrye koop met reuse winskopies – iets vir elkeen! Skenkings welkom by Lokaal 6 (Ma, Wo, Vr). 📞 Annalene de Swardt

📚  Boek Tafel – Kom snuffel rond tussen pragtige tweedehandse boeke! Lees en Lag en Leer ! Skenkings welkom by die kerkkantoor (Ma, Wo, Vr). 📞 Annalene de Swardt

🍨 Smullekker Nagereg Tafel – “Soet Sondes”: Nog steeds die beste in die Weste! Poedings en nageregte teen net R17 per bakkie. Indien u poeding skenk, dui asb net aan of dit ‘n warm of koue poeding is. Roomys- en  foeliebakke beskikbaar. 📞 Dirk & Dorette Visser

🍛 Kerrie & Rys Tafel – “Kerrie ‘n Bietjie”: Geurig en vol huislike smaak – Ouma sou trots wees! R40 vir ‘n lekker groot porsie. 📞 Barbara Gericke 📞Corita du Preez

🍢 Sosatie Tafel – “Stok en Smul”: Ons skakel hoenders om in ‘n feesmaal op ‘n stokkie – perfek gebraai en propvol geur! R18 per sosatie. Indien jy lief is vir braai en ‘n handjie wil bysit, kontak gerus vir 📞 Eddie –

🥪JAFFLES:  R25 elk. Kom geniet ons kraakvars Jaffles met geurige maalvleis vir oud en jonk!👨‍👩‍👦‍👦 Wenk: Jaffles kan gevries word, kan skoolpouse ‘n lafenis wees en bejaardes ‘n maaltyd soos van ouds.🤹‍♀ 🍪🍴Kom koop en geniet! 📞 Annatjie Janse van Rensburg – 📞 Corrie Pieters –

🍰 Tee Tuin – “Koek & Klets”: Kom sit onder die sambreel en geniet ’n koppie koffie of tee met ’n stukkie vars gebakte koek. ☕ Koffie/Tee – R15 | 🍰 Koek – R20 📞 Michelle Roon

🍽   Pannekoek Tafel – “Strooi & Rol”: Ons pannekoeke is sag, warm en vol geur. R6 elk. 📞 Elsabé Richards – 📞 Piet Terblanche

🥕 Groente Tafel – “Kraakvars natuurlekkers”: Vars uit die tuin – gesond, geurig en g’n   preserveermiddels! 📞 René Vorster .

🥳 JAM (Jesus And Me) KINDERTAFEL: Treintjie – R5 per rit , “Soft Play” – eenmalige R10, Springkasteel – eenmalige R10, Tombola – kom geniet jou gate uit! Ons benodig asb geldelike bydraes of oulikhede om op die dag by die kindertafel te verkoop. 📞 Tanya Heath

🍴 LEWERKOEKIES: Slegs vir vooraf bestelling en om Saterdag af te haal. Groot (9cm deursnit) @ R10 elk of 6 vir R50. Bestellings sluit Maandag 28 April. Vries goed. 📞 Corrie Pieters

Die webwerf (nggrootbrak.co.za) 20 April 2025

1.  Erediensbediening:
   • Die Goeie Vrydag diensopname is beskikbaar op die webwerf.
   • Skakel na die YouTube Paasfeesdiens van 20 April 2025.
2. Getuienisbediening:
   • Missie Japan skryf vir ons oor ‘n Vars begin: aanlyn en oraloor. Wees gewaarsku, hierdie nuusflits is ‘n uitsondering!
   • Uit Madagaskar skryf Lynette vir ons oor Dries wat weer by die huis is. Afskeid word geneem van Annika en Anne, en Lynette val by die trappe.
3. Bybelstudiereeks:
   • Die April ‘Skep asem vir vandag’ is vroegoggend padkos vir die dag
   • Vind die Weeklikse: “Stof tot nadenke: Die dood kon Hom nie bind nie...”.
4. Gemeente Nuus:
   • Die Gholfdag was ‘n Kolskoot sukses. Baie dankie aan almal wat gehelp het om dit iets besonders te maak.
   • Ons Gemeentefees is om die draai, lees gerus oor al die pret en plesier wat daar  te vinde en te koop sal wees.  
   • Die Afkondigings word weekliks op die webwerf geplaas.

FEBA RADIO SA: Ons bid vir FEBA Wêreldwyd

Prys God dat Hy Christus uit die dood uit opgewek het en daardeur vir ons ’n onwrikbare basis vir ons geloof gegee het. FEBA verkondig hierdie Goeie Nuus in meer as 50 lande deur middel van radio en digitale media.

Ons gebed vir die week: Bid vir die personeel, van wie baie in moeilike professionele of persoonlike omstandighede werk, dat hulle deur die lewenstorms hul oë op Christus sal hou. Bid ook vir die luisteraars, veral dié wat nog nie die evangelie aanvaar het nie, dat hulle harte sal oopgaan vir die opgestane Christus.

Ons dank u vir u volgehoue bydrae en ondersteuning van die werk van die Here.

Leraars:

Danie Goosen
Charné Viljoen

Langstraat 10,
Groot-Brakrivier, 6525  ‘
044 620 2205

 e-pos: Kontak Ons             

Webwerf adres: https://www.nggrootbrak.co.za

Bankbesonderhede:  

FNB tjekrekening

Rek Nr.  530 831 865 11

Takkode 210314